Йәншишмәнең тере тамсылары
Һарҡып төштө төрлө тарафтан,
Армыттарын ашып Уралымдың,
Йәшмә ҡатламдарын аҡтарып.
Эй йыһандың тере илселәре! –
Йәшәү ҡото тейәп ағығыҙ,
Ағығыҙ ҙа,
ярға ғына түгел,
Һәр йөрәккә килеп ҡағығыҙ!
Ҡағығыҙ ҙа
Иман орлоҡтарын
Шытым итеп йәнгә һалығыҙ,
Тере тамсыларҙан,
Таҙарһынсы,
Сафланһынсы рух һәм ҡаныбыҙ!
Беҙ бит – Урал батыр ейәндәре,
Беҙ бит – Урал батыр тоҡомо.
Тере һыуын Урал беҙгә бөрккән! –
Йөрөмәйек шуны онотоп.
Йәншишмәнең тере тамсылары –
Беҙ бит Урал батыр тоҡомо!
Талҡаҫ күле,
30.06.2003.