Селпәрәмә килгәс идеалдар...

«Үткәндәр ҙә миңә йәл түгел...»

Сергей Есенин.

Селпәрәмә килгәс идеалдар,

Ҡәҙерһеҙгә ҡалғас йыр-һүҙем,

Ташҡа үлсәрлек булғас бөгөнгөбөҙ,

Үткәндәр ҙә хәҙер йәл түгел.

 

Ҡара һөрөм ҡарар офоғобоҙ,

Ерҙәге йәм инде йәм түгел.

Ниндәй атыр таңы ейәндәрҙең,

Беҙҙең таңдар инде йәл түгел.

 

Яҡтыһынан ғүмер шәмдәремдең

Нурланһынсы хәлсә ил-күгем.

Киләсәгем тартып тормағанға

Үткәндәрем ахыры йәл түгел...