Көнләшеүҙер
Беҙҙе һәләк иткән нәмә - көнләшеүҙер,
Көнләшеүҙән тыуыр нәмә - һүҙләшеүҙер.
Был зәхмәттән ҡотолорға бер юл барҙыр –
Бер-береңә йөрәк асып күҙләшеүҙер.
Көнләшеүҙән бәндә эсе ҡара яна,
Әҙәплеккә күҙ алдары томалана.
Әҙәм шунан башҡа бер ни ҙә күрмәйҙер,
Был һуҡырлыҡ бәлә менән тамамлана.
“Башҡаларҙың йөгө ниңә өймәләмә?” –
Тиеп, зинһар, алъюҫыҡҡа көйәләнмә.
Көнләшһәң дә, көсәнһәң дә йөгөң артмаҫ,
Хоҙай биргән бар булмышың шуны тартҡас.
Беҙҙе һәләк иткән нәмә - көнләшеүҙер...
1995.