Беҙҙең тормошҡа алмашҡа
Икенсе донъя килә,
Яңы замандан ҡалмаҫҡа
Сабырға тура килә.
Иҫке донъяны һүтәләр,
Яңыһын күтәрәләр.
Торғоҙабыҙ тип яңыны
Булғанды түңкәрәләр.
Илгә яңы синыф килә -
Еңел кәсепкә йәшәү.
Мужикка ҡала бил бөгөү,
Йәки хәмерҙән сәсәү.
Көнбайыш ғәҙәттәренең
Үтеп инмәүе ҡайҙа:
Урамдар тулы “Бар”, “Пепси” –
Эшҡыуарҙарға файҙа...
Һағындыра ауылымдың
Моңло аулағаштары.
Наҡыҫ булһа ла һыйҙары,
Йөрәккә шул һағыштарҙың
Майҙай яғылыштары...
2000.