Сыңғырармын

Мин мәңгелек түгелдер ҙә, бәлки,
Әммә һинең тоғро юлдашың,
Әгәр һинең рухың йәшәй икән,
Сыңғырармын – моңло рухташың.

Мин мәңгелек түгелдер ҙә, бәлки,
Әммә йырым осор далала.
Һин таныһаң әгәр шул осоштан,
Мин йәшәрмен һәр бер балала.

Мин мәңгелек түгелдер ҙә, бәлки,
Әммә йәнем – тынмаҫ йыр кеүек,
Әгәр моңло башҡорт йәшәй икән,
Урал тора икән ур кеүек, -
Сыңғырармын – моңло йыр кеүек...