Ҡара күҙҙәр
Елдәр үтә ҡара күҙҙәр өтә,
Мөмкин түгел ҡасыу, ҡотолоу.
Нимә көтә мине ул ҡарашта:
Еңеү яулау йәки отолоу?
Елдәр өтә...
Елегемә үтә...
Ҡара күҙҙәр көтә сатлыҡта.
Миңә шул минуттар ҡәҙерлерәк:
Ҡойонорға утлы сафлыҡта.
Елдәр үтә,
сал ҡылғандар үтә
Ҡара күҙҙәр мине гел көтә,
Дауылда ла һүнмәй торған шәмдәй,
Ҡауышырға тигән өмөттә...
Ҡара күҙҙәр өтә керпек үтә...
Керпек-ҡамыштарға ҡағылам...
Ҡара күҙҙәр тамам әсир итә...
Ҡара ҡамыштарҙа юғалам...
2000.